Flash News
Mail RSS
Quezon Province
Loading...

Lalawigan ng Quezon, tutulong magbagong buhay ang mga drug surrenderer

LUNGSOD NG LUCENA, Quezon -- Pursigido ang ikatlong distrito ng Quezon na matulungan pa ang mga sumukong drug pusher o user sa lalawigan sa pamamagitan ng pagpapatupad ng mga programa para tuluyang makapagbagong buhay ang mga sumuko. Sa idinaos na ‘Kapihan sa PIA’ sa Pacific Mall, Lucena City noong April 19 na dinaluhan ng may 20 mamamahayag,  sinabi ni bokal Dominic Reyes na nakatuon ngayon ang pamahalaang panlalawigan sa  rehabilitation program upang matulungan ang mga sumukong drug pusher/user sa pamamagitan ng tinatawag na  ‘educational support system’  ng mga ahensiya ng pamahalaan  kagaya ng  Technical Education and Skills Development Authority (TESDA), Department of Education (DepEd) at maging ang Department of labor and Employment (DOLE) upang magkaroon ng kasanayan sa iba’t-ibang  gawain ang mga sumuko at magkaroon ng hanapbuhay.
Ayon pa kay Reyes, bagama’t wala pang sapat na pondong  nakalaan para sa rehabilitasyon ng mga sumukong drug pusher/user sa Quezon  ay patuloy naman ang kaniyang pakikipag-ugnayan sa mga ahensiya ng pamahalaan upang matulungan ang mga sumuko.
Sa programang ‘Kapihan sa PIA’,  pinuri din ni Reyes ang programang  USAD o United Stand Against illegal Drugs’ ng DILG at PNP  na naglalayong mas patibayin  at patatagin ang  paghuli sa mga drug user/pusher.  
Samantala, handa rin namang tulungan ng Team Energy Corporation at ng Quezon police provincial office  sa pangunguna ni Provincial Director Rhoderick Armamento ang mga sumukong drug pusher/user sa Quezon sa pamamagitan ng pagbibigay  ng trabaho kung matatapos ng mga sumuko  ang seminar at training  tuwing Sabado  na isinasagawa sa mga barangay ng  Technical Education and Skills Development Authority (TESDA)  at mga religious sector.
Sa kasalukuyan, may mahigit na 13,000 drug surrenderees ang lalawigan ng Quezon. (GG/RMO, PIA-Quezon)