Flash News
Mail Instagram YouTube YouTube
CALABARZON

Mga proyekto ni mayor dondon alcala para sa mall market, ikinatutuwa ng mga mamimili at maninindahan

Kasabay ng pagpapahayag ng pasasalamat ng public market administrator na si noel palomar sa lahat ng suportang ibinibigay ni mayor dondon alcala sa kanilang tanggapan, nabanggit nito ang ilan sa mga pagbabagong mayroon sa pamilihang panlungsod ng lucena na lubos na ikinatutuwa ng mga mamimili at mga maninindahan.

Ayon kay palomar, kasabay ng pagpapatayo ng bagong gusali ng palengke, layunin din ng alkalde na mas gawin pang kombinyente para sa lahat ng mga mamimili at maninindahan ang araw-araw na transaksyon sa loob ng pamilihan.

Bukod umano sa paglalagay ng escalator para sa kaalwanan ng mga tao , nagpalagay rin ito ng price monitoring wall sa bungad ng palengke upang agad na magkakaroon ang mga mamimili ng  ideya sa kasalukyang presyo ng mga produktong ninanais nilang bilhin at maibudget nang maagap ang kanilang pera.

Bukod sa mga nabanggit, napansin ni obcemea na naging malaking katulungan rin para sa lahat ang paglalagay ng 17 cctv sa iba’t-ibang bahagi ng palengke.

Sa pamamagitan umano ng mga cctv na ito, sa tuwing  may mga nawawalang produkto o di kaya nama’y may hindi inaasahang insidente gaya ng pananalisi at budol-budol na  nangyari sa loob ng pamilihan, sumasangguni sa kanilang opesina ang mga mamimili at manininda.

Sa tulong  ng mga nakainstall na cctv, nakatutulong ang kanilang opesina na maresolbahan at matukoy ang mga salarin.

Dahil sa  mga pagpapagandang isinasagawa sa mall market, hinid maikakailang mas maraming lucenahin ang natutuwa, at bilang administrator ng public market, lubos ring nagagalak si palomar  dahil  mas  nagkakaroon ng kumpyansa sa kanilang tanggapan ang mga maninindahan at mamimili dahil ramdam ng mga ito na nabibigyan ng kaukulang pansin ng pamunuan ang kanilang kapakanan. (Pio lucena/c.Zapanta)



0 comments:

Post a Comment


Loading...