Mga sanitary landfill personels at mga pamilya nito, nagsilbing mga benepisyaryo ng tree planting plus events ng lokal na pamahalaan

Bilang tanda ng pagkilala ng lokal na pamahalaan para sa  walang sawang pagtutulong –tulong maisaayos lamang  ang dating dumpsite, ginawa...

Bilang tanda ng pagkilala ng lokal na pamahalaan para sa  walang sawang pagtutulong –tulong maisaayos lamang  ang dating dumpsite, ginawang prayoridad ng pamahalaang panlungsod ang mga sanitary landfill personels at mga pamilya nito sa unang araw ng selebrasyon ng linggo ng lucena.

Hindi lingid sa kaalaman ng marami ang patuloy na pagsasaayos at pagpapaganda ng sanitary landfill na dating open dumpsite at itinuturing na isa sa pinakamalaking problema ng lungsod. Kaya’t bilang tanda ng pasasalamat para sa mga kawani ng lokal na pamahalaan na nagtulong-tulong upang maisaayos ito,nagsilbing mga benepisyaryo ang mga sanitary landfill personels at mga pamilya nito sa inihandang aktibidad para sa unang araw ng linggo ng lucena na may titulong  ‘tree planting plus events’.

Sa nasabing aktibidad, bukod sa pagtatanim ng mga puno at iba pang halaman upang mas mapaganda at gawing mas kaaya-aya ang sanitary landfill, naghanda rin ng gift-giving, feeding program, grooming acitivty, dental services, psychological development at storyteleling activity ang lokal na pamahlaan para sa mga benepisyaryo.

Nakasama ng lokal na pamahalaan ang the original ugat lucena association incorporated, club 1925 , rotary club of lucena south , philippine tongho institute,rotaract club of lucena south,   lucena manpower skills training center, the one only bonafide ugat ng lucena,  at quezon provincial dental chapter , pagdating sa pagbibigay ng mga regalo, damit, relief goods, at mga libreng serbisyo gaya ng masahe , gupit at libreng bunot ng ngipin sa mga ito.

Kaugnay nito ay nagbigay ng pasasalamat ang pangulo ng mga eco-aid na si wilson urtula sa lokal na pamahalaan sa pangunguna ni mayor dondon alcala at hepe ng sanitary landfill na si rosy castillo maging sa lahat ng mga organisasyon at samahan na tumulong sa kanila at nagpaabot ng mga biyaya.

Ayon kay urtula,  bukod sa mga libreng serbosyong kanilang natanggap, magiging malaking katulunganan rin  umano ang mga regalo, libro , damit at relief goods na ibinigay  ng iba’t-ibang mga organisasyon at samahan sa kanilang grupo at mga pamilya nito kung kaya’t makakaasa umano ang mga lucenahin na higit nilang  pag-iibayuhin ang mas pagpapaganda at pagsasaayos ng sanitary landfill ng lungsod. (pio lucena/c.zapanta)