Flash News
Mail Instagram YouTube YouTube
CALABARZON

PAGTAAS NG PRESYO NG ISDA SA PUBLIC MARKET NG LUNGSOD, IDINADAING NG MGA MAMIMILI

Hindi lamang mga mamimili ang umaalma kundi pati na rin ang mga maninindahan sa patuloy na pagtaas ng presyo ng ilang mga pangunahing bilihin na ramdam rin sa pampublikong pamilihan ng lungsod ng lucena.

Kanya-kanyang diskarte ang mga lucenahin para makatipid kasunod ng patuloy na pagsipa ng inflation o taas ng presyo ng mga bilihin.

Isa na rito si jael evapea na residente ng barangay market view. Ayon dito, maging sila ay naghihigpit na rin ng sinturon dahil sa sobrang mahal ng mga bilihin sa palengke. Kung ano-anong diskarte narin umano ang kaniyang ginagawa upang makatipid at mapagkasya ang kanilang budget .

Bukod umano sa gulay, iniinda rin nitoa ang pagmahal ng kilo ng mga isda paritkular na ng bangus at galunggong na kalimitan niyang binibili.

Mula raw kasi sa dating p120 na presyo ng bangus, p180 na ngayon ang kada kilo nito. Halos p100 naman ngayon ang itinaas ng presyo ng sariwang galungong na kanyang binibili. Dati raw kasi ay nakakabili pa siya ng p130 hanggang p140 kada kilo habang ngayon, nasa p200 hanggang p240 na ang kada kilo nito.

Anito, pinaghahati-hatian na lamang nilang mag-anak ang isdang nabili na nagkasya sa kanilang budget.

Unti-unti rin umanong napapansin ng mga nagtitinda sa palengke na umuunti ang mga produktong binibili ng kanilang mag suki bagay na isinisisi ng ilang mga tindero sa kakulangan ng suplay ng mga isda.

Ayon sa tinderang si beth padua, nagkakaroon ng malaking epekto sa presyohan ng mga isda ang pag-unti ng supply ng mga sariwang huli dahil sa mga nagdaang kalamidad. Wala naman silang magawa dahil natural na tumataas rin ang kanilang puhunan sa tuwing sumasama ang panahon.

Kaya ang ilang maninindahan kagaya niya ay napipilitan umanong magtinda ng frozen na isda. Mas mahal daw kasi ang bentahan ng sariwang isda na tiyak lalong magpapaaray sa mga mamimili.

Hindi raw kasi tulad ng mga sariwang huli, ang presyo ng frozen na isda ay hindi nagtataas. Malaki rin umano ang diperensya ng presyo ng sariwa at frozen na isda tulad nalamang ng sariwang galunggong na umaabot sa p150 hanggang p160 ang puhunan.

Kung isasama raw ang iba pang mga gastusin sa pag-aangkat ng mga produkto gaya ng gastos sa krudo, hindi raw sasapat ang p20 na patong nila sa presyo nito.

Hindi umano tulad ng frozen na isda na kanilang nakukuha sa halagang p9o na pwede lamang nilang patungan ng p10 hanggang p20 .

Sot clip no. 00442 (00:47-00:52) beth padua / tindera ng isda

Umaasa ang mga mamimili at mga maninindahan na maibabalik sa dati ang mga presyo ng gulay at isda kapag naging regular na ulit ang suplay ng mga ito.(pio lucena/c.zapanta)



0 comments:

Post a Comment


Loading...