Flash News
Mail RSS
Quezon Province
Loading...

PAGTUTOK NG PAMAHALAANG PANLUNGSOD SA ASPETO NG EDUKASYON, IKINATUTUWA NG PAMUNUAN NG DALUBHASAAN NG LUNGSOD NG LUCENA


Bilang host ng isinagwang regular flag raising ceremony kamakailan, nagpahayag ng pasasalamat ang pamunuan ng  dalubhasaan ng lungsod ng lucena  kay mayor dondon alcala sa pamamagitan ng administrative officer nito na si maria charmaine lagustan.

Ayon kay lagustan, ang  moral at pinansyal na  suportang nakukuha ng dll  mula sa pamahalang panlungsod sa pangunguna ni  mayor dondon allcala ay nagsisilbing patunay na binibigyang pagpapahalaga ng alkalde ang aspeto ng edukasyon sa lugar.

Naniniwala kasi si  lagustan na sa ganitong paraan, nakapag-proproduce ang dalubhasaan ng mga edukado at mahuhusay na manggagawa na siyang magigingmalaking katulungan  upang higit pang umunlad ang mas maraming lucenahin kasabay ng pag-unlad ng lungsod.

Dagdag pa nito, ang dll ay isa sa 78 local colleges sa buong bansa, isa sa 15 colleges sa buong  calabarzon at 1 sa 2 local colleges sa probinsya ng  quezon. At sa 17 taong operasyon ng nasabing paaralan, nasa 3200 competitive na mga mag-aaral na umano ang nagsipagtapos sa dalubhasaan sa 9 na  kursong kanilang inaalok.

Bilang unang local college sa probinya ng quezon, malugod rin nitong ibinalita na nakatanggap ang dalubhasaan ng  ng free education subsidy mula sa gobyerno.

Patuloy rin umanong nililinang at pinayayabong ng dalubhasaan ang kalidad ng edukasyong kanilang ibinibigay sa kanilang mga estudyante sa pamamagitan ng mga seminars at workships at pagrerecruit ng mga magagaling at masisipag na  propesor na dalubhasa sa kani-kanilang mag larangan.
Ayon pa kay lagustan, makakasa ang mga lucenahin na patuloy na  magiging instrumento  ang dalubhasaan sa higit pang pagpapaunlad ng lungsod at ng mga mamamaayan nito. (pio lucena/c.zapanta)