Flash News
Mail Instagram YouTube YouTube
CALABARZON

BARANGAY MARKETVIEW, NAKIISA SA PAGDIRIWANG NG WORLD AIDS DAY


Bilang pakikiisa sa pagdiriwang ng World Aids Day, isinagawa sa Barangay Marketview ang isang awareness seminar hinggil sa naturang usapin.

Dumalo sa nasabing aktibidad ang mga mag- aaral ng Alternative Learning System sa pangunguna ni ALS Coordinator Rodanilo Tabordan at ilang mga mag-aaral mula sa Lucena East I Elementary School.

Naisakatuparan ang seminar sa tulong ng pamunuan ng Barangay Marketview sa pangunguna ni Kapitan Edwin Napule at ni Barangay Kagawad Janine Napule, Chairperson ng Commiteen on Health and Sanitation, katuwang ang Sangguniang Kabataan, Ating Barkada Kontra Droga at Kaisa Ka Kabataan.

Nagsilbing tagapagsalita naman dito ang Rural Health Nurse ng Barangay Health Center na si Mart Mareden Fangon.

Dito ipinagbigay alam sa mga naging partisipante ang kahalagahan ng pagkakaroon ng mga pangunahing impormasyon hinggil sa aids virus.

Gayundin ay upang magsilbi itong kamapanya sa pag-iwas laban sa lumalaganap na HIV Aids.

Sa huli ay inaasahan na mamutawi sa bawat isa ang importansya ng pagkakaroon ng awareness sa mga nangyayari sa pamayanan. (PIO-Lucena/M.A.Minor)







Loading...