Flash News
Mail RSS
Quezon Province
Loading...

BSP-Lucena, patuloy ang kampanya sa malinis na salapi

by Ruel Orinday-PIA-Quezon

LUNGSOD NG LUCENA, Quezon -  Patuloy ang ginagawang  kampanya ngayon  ng Bango Sentral ng Pilipinas  (BSP)- sangay ng Lungsod ng Lucena ukol  sa pagkakaroon ng malinis na salapi na dapat isinusukli sa anumang  uri  ng transaksiyon at hindi yaong marumi at sirang mga salapi.
Sa programang “Balikatan Unlimited with PIA” sa DWLC-Radyo Pilipinas-Lucena noong Nobyembre 29, 2018, sinabi ni Melanie Condes ng  Bangko Sentral  ng Pilipinas- (BSP)- Lucena City, maaaring iulat ang sinumang tao na nagdudumi  o nagsisira ng mga perang papel upang mapatawan ng kaparusahan.
Sinabi  ni Condes na dapat kaagad na  dalhin  sa alinmang bangko ang mga  maruming salaping papel kagaya ng  pagkakaroon  ng bahid ng dumi, pagkalupaypay, lukot, may sulat, may mantsa at  kupas na ang pagkakaimprenta  upang mapalitan ng bago.
Samantala, ayon pa sa Bangko Sentral ng Pilipinas, lahat ng  kailangang matira sa sira-sirang  salaping papel  upang ito ay mapalitan  ng Bangko Sentral ng Pilipinas ay ang mga sumusunod:  3/5 na bahagi ng surface area;  bahagi ng  alinmang   facsimile signature at may naka-embed o windowed security  thread.
Samantala,  pinaigting din ng BSP-Lucena City ang kanilang kampanya laban sa mga  taong gumagawa at naglalabas ng mga pekeng perang papel ngayong panahon ng kapaskuhan.
“Ang mga salaping papel  na  tunay ay may mga security features na dapat tandaan ng mga mamimili upang hind imaging biktima ng panloloko”, sabi pa ni Condes.
Para sa iba pang karagdagang impormasyo, maaaring  tumawag sa  CP No.   09955813881  o kaya ay sa (042)- 710-3264.