P/Supt. Reydante Ariza Nakasalalay sa mga punong barangay na nagsisilbing little mayor ng kanilang komunidad ang tuloy-tuloy na pag-un...
 |
| P/Supt. Reydante Ariza |
Nakasalalay sa mga punong barangay na
nagsisilbing little mayor ng kanilang komunidad ang tuloy-tuloy na pag-unlad ng
lungsod sa aspeto ng katahimikan at kaayusan kaya naman hinamon nghepe ng
lucena pnp na si p/supt. Reydante ariza ang mga opisyales ng brangay lalo’t
higit ang mga kapitan na mas paigtingin
pa ang kampanya laban sa kriminalidad at
iligal na droga sa kani-kanilang mga lugar
Ang mga ito raw kasi ang nagsisilbing first
line of defense dahil ang mga ito ang nakakaalam at nakakakilala ng mga
gumagamit at nagbebenta ng ipinagbabawal na gamot sa kanilang lugar.
Ayon kay ariza, isa ang lungsod ng lucena sa
pinapasok ng mga drug pushers mula sa iba’t-ibang lugar kaya naman simula nang
maupo siya bilang hepe ng lucena pnp dalawang buwan na ang nakalilipas, agad
niyang hiningi ang suporta ng mga kapitan ng bawat barangay.
Anito, kailangan na tuloy-tuloy na mahikayat
ang mga biktima ng droga na tapusin ang
programa ng kapulisan na simula ng pagbabago o sipag na siyang magiging daan
upang matulungan ang mga itong magbagong buhay.
May ilan-ilan raw kasing surenderers sa oplan
tokhang ang tumatalikod upang bumalik sa dating gawi. Bagay na nagsisilbi umanong malaking hamon
para sa lahat ng mga opisyal.
Kaugnay nito ay binigyang diin ng hepe ang
kahalagahan ng pagpapatibay ng barangay anti-drug abuse council o badac sa
bawat komunidad. Sa pamamagtian umano nito ay
mas magiging malakas ang pwersa ng kanilang grupo laban sa nasabing
kampanyadahil magmumula sa barangay level ang unang aksyon. Ngunit imbis umano
na pagtibayin ang naturang depensa, ginagamit pa ng ilang mga opisyal ang
kanilang kapangyarihan at posiyon upang
protektahan ang mismong mga kamag-anak na sangkot sa pagamit at pagbebenta
ng shabu na malaking hadlang sa pagkamit ng tunay na katahimikan at kaayusan saan mang lugar.
Dagdag pa nito, hindi maglalaon, 21 na sa 33
barangay sa lungsod ang maidedeklarang drug-cleared barangay ng philippine drug
enforcement agency kaya naman magsilbi raw sanang malaking hamon ito para sa mga kapitan ng natitirang 12 barangay upang dobelehin ang pagsusumikap at
mas palakasin ang pwersa ng badac sa
kanilang lugar.
Tinitiyak rin ng hepe sa lahat ng mga lucenahin na hanggang sa huli ay
makakaagapay ng lokal na pamahalaan ang lucena pnp sa nasabing kampanya.
Samantala, hinikayat rin ni ariza ang bawat mamamayan na makipagtulungan sa pulisya dahil sa huli, ang
laban sa droga ay laban ng bawat-isa.(pio lucena/c.zapanta)
