Page Nav

HIDE

Breaking News:

latest

Ads Place

Paglikha ng mga oportunidad para sa mga sipag graduates, ipinangako ni mayor dondon alcala

“Maraming oprtunidad para sa inyo sa lungsod ng lucena” ito ang  naging pahayag ni mayor dondon alcala kamakailan para sa mahigit 600 lucena...

“Maraming oprtunidad para sa inyo sa lungsod ng lucena” ito ang  naging pahayag ni mayor dondon alcala kamakailan para sa mahigit 600 lucenahin na nagsipagtapos sa programa ng pulisya laban sa iligal na droga  na ‘simula ng pagbabago’ o  sipag.

Bilang ang lungsod ng lucena ang isa sa may pinakamataas na porsyento ng mga nagsipagtapos sa ‘sipag’ , naniniwala si mayor dondon alcala na nangangahulugan ito na marami sa mga nabiktima  ng iligal na droga ang nagnanais na magsimula ng panibagong buhay kaya naman bilang ama ng lungsod, tiniyak ng alkalde na kasama siya ng mga ito sa hangarin ng pagkakaroon ng panibagong buhay.

Kaugnay nito,  sa patuloy aniyang  pag-unlad ng bagong lucena, marami umanong pumapasok na investors sa lungsod. Patunay na umano rito ang paglaki ng  budget ng lunsod mula sa dating  mahigit 650 milyong  piso lamang , matapos ang limang taong panunungkulan ng alkalde ay  lumaki ito ng mahigit sa 1 biyon at 200 milyong piso .

At sa patuloy na  pagdami ng mga naglalagak ng iba’t-ibang negosyo sa  lungsod ay ang  patuloy ring paglikha nito ng  maraming oportunidad para sa mga lucenahin.

Kaugnay nito ay tiniyak ng alkalde  na sa tulong ng iba’t-ibang tanggapan gaya ng pnp at city anti-drug abuse council o cadac ay mas paiigtingin pa ng lokal na pamahalaaan ang mga nakahanay na proyekto at programa na makaaagapay sa mga sipag graduates upang makapagsimula ng panibagong buhay.

Dagdag pa nito, bukod sa pwersa at tulong ng lokal na pamahalaan, higit na kailangan ng mga ito ang suporta ng kani-kanilang mga  komunidad kaya’t hiniling nito  sa bawat kapitan ng barangay na ipagpatuloy ang pagmomonitor sa mga drug victims  at lumikha ng mga proyekto at aktibidad sa kanilang mga lugar upang masiguro na tuluyan nang tatalikdan ng mga ito ang masamang bisyo. 

Sinabi rin ng alkalde na handa siyang  sagutin  ang mga gastusin ng mga sipag graduates pagdating sa medical at drug test expenses  sakaling  naisin ng mga itong maghanap ng trabaho. (Pio lucena/c.Zapanta)

Latest Articles

OFFICE ADDRESS: Sentinel Times Quezon Province Regional Weekly Newspaper is published at Dau St. Calmar Subd. Brgy. Mayao Kanluran, Lucena City, 4301 Quezon Province, Philippines
TELEPHONE: 042-717-6108
CELL: 0927-938-5896
E-MAIL: contact@sentineltimes.net
WEBSITE: https://www.sentineltimes.net/
SOCIAL MEDIA: @stcalabarzon