Flash News
Mail RSS
Quezon Province
Loading...

OPERATION LINIS SA MGA KAPALIGIRAN NG BARANGAY MARKETVIEW, MATAGUMPAY NA ISINAGAWA

Hindi lang ang aspeto ng pagkakaroon ng maayos na Sistema ng lupong tagapamayapa ang pinag-iigting ng pamunuan ng Brgy. Marketview sa pamumuno ni Kapitan Edwin Napule kundi maging ang iba’t ibang aktibidades para sa kanilang pamayanan at para na rin sa ikabubuti ng kanilang pinamumunuan.

Kamakailan ay isinagawa ang programa ng sangguniang barangay na ‘operation linis’ sa iba’t ibang parte ng barangay Marketview.

Tulong-tulong na nilinis ng pamahalaang barangay kasama ang mga kawani ng City Engineering sa pangununa ni Engineer Jun Villaruel ang kahabaan ng Market Avenue at ilang mga kanal at estero sa bahagi ng Sampaloc Street sa nasabig lugar.

Bukod sa kagustuhang mapanatili ang kaayusan at kalinisan ng kapaligiran, isinasagawa rin ang programa dahil sa kagustuhang mapabuti ang pamayanan at gayundin ay upang masiguro ang kaligtasan ng mga mamamayan laban sa anumang sakit na maaaring maidulot ng mga dumi sa kanal at sa mga lugar na bahagi ng Brgy. Marketview. (PIO-Lucena/M.A.Minor)