Flash News
Mail RSS
Quezon Province
Loading...

Blessing at inauguration ng Bgy. Road sa Lucena City, pinasinayaan



LUNGSOD NG LUCENA, Quezon - Pinangunahan ng ama ng lalawigan na si Gob. David C. Suarez ang isinagawang blessing at inauguration ng kahabaan ng kalsadang matatagpuan sa Purok Rosas, Brgy. Domoit, Lungsod ng Lucena nitong ika-27 ng Pebrero.

Lubos na nagpasalamat ang mga mamamayan ng nasabing barangay sa pamahalaang panlalawigan sa pagkakaloob ng nasabing proyekto. Anila, malaking tulong ang pagpapakongkreto ng nasabing barangay road para sa maayos na transportasyon sa kanilang lugar.

Ayon naman kay Gob. Suarez, ang mga proyektong pang-imprastrakturang tulad nito ay isa lamang sa pamamaraan ng pamahalaang panlalawigan upang maiparamdam sa bawat Quezonian ang suporta nito para sa ikabubuti ng kanilang pamumuhay.

“Ang prinsipyo ko ay ang posisyon na hawak ko ay hinihiram ko sa inyo. Hindi ako magiging gobernador kung hindi niyo ako binoto. Dapat yung paglilingkod ko ay nakikita, narararamdaman at napapakinabangan ninyo. Ito pong kalsada na ito ay isang kongkretong proyekto kung saan ibinabalik ni Gob ang tiwalang ipinagkaloob niyo sakin upang maglingkod bilang ama ng lalawigan.” pahayag ng gobernador. (Quezon-PIO)