Flash News
Mail Instagram YouTube YouTube
CALABARZON

DOH inilunsad ang kauna-unahang ambulansyang pandagat

by Nimfa Estrellado
September 14, 2019

DREAM FULFILLED. Another dream fulfilled for DOH-CALABARZON Regional Director Eduardo C. Janairo who is instrumental in the accomplishment of the project as he gazes to the emergency vessel. Photo courtesy of DOH-CALABARZON 


PANUKALAN, Quezon - Ang Rural Health Unit (RHU) sa bayan ng Panukulan sa lalawigan ng Quezon ay tumanggap ng unang ambulansyang pandagat ng Calabarzon noong Setyembre 6, 2019.

Ang ambulansyang pandagat ay binili ng Department of Health (DOH) ng Calabarzon para sa mga pasyente sa malalayong lugar sa Panukulan at sa Polilio group of islands,, na inuri bilang geographically isolated and disadvantaged areas (GIDA) ng departamento ng kalusugan.

Ang mga pasyente mula sa mga pamayanan ng isla na pinaglingkuran ng ambulansya ay dadalhin sa Claro M. Recto Memorial Hospital, isang pasilidad sa kalusugan na may 25-bed na kapasidad sa bayan ng Infanta. Ang ambulansyang pandagat ay maaaring maglakbay mula sa Panukulan patungong Infanta sa loob ng 45 minuto sa mabuting kondisyon ng panahon, sinabi ni DOH-Calabarzon.

Nagkakahalaga ng P3 milyon ang ambulansyang pandagat, ayon kay DOH-Calabarzon regional director Eduardo Janairo. Ang pondo ay nagmula sa Health Facilities Enhancement Program, kung saan ang mga layunin ay upang mapahusay ang mga medikal na pasilidad mapapakinabangan ng mga pasyente na nakatira sa mga GIDA.

SEA AMBULANCE. The first DOH funded sea ambulance through the Health Facility Enhancement Program donated to the Municipality of Panukulan, Quezon. Photo courtesy of DOH-CALABARZON 


Sinabi ni Janairo sa seremonya ng pagbigay ng ambulansya na hindi pa sapat ang medikal na kagamitan at emergency kit sa ambulansyang pandagat. Sinabi niya na ang DOH-Calabarzon ay “endeavor to acquire them immediately.”

“We still have to furnish the needed medical equipment and emergency kits that will be placed inside the sea ambulance and we will endeavor to acquire them immediately in order to complete its emergency care services.” sinabi ni Janairo.

“Isang parte lamang ito sa implementasyon ng ating universal health care system at hindi lang ito para sa mga pasyeteng nangangailangan ng agarang pagpapagamot sa ospital. Magbibigay din ito ng preventive health care services at kailangan nating lagyan ito ng mobility o referral system mula sa lugar ng pinagyarihan ng insidente hanggang sa makarating ang pasyente sa pinakamalaipit na RHU o ospital at pabalik sa kanyang bahay at napakaimportante po nito, ang mobility through sea ambulance at isa ito sa palalakasin natin through primary care service.” sabi pa ni Janairo.

___ADVERTISEMENT - CONTINUE READING BELOW___




Sinabi din ng direktor ng DOH-Calabarzon na bibilhin nila ang 7 pang mga ambulansyang pandagat, na aabot sa halagang P21 milyon, para sa iba pang mga GIDA sa lalawigan ng Quezon, kasama ang mga bayan ng Alabat, Calauag, Patnanungan, Perez, Quezon, at Polilio .

“Lahat ng RHU ng Polilio Island ng Quezon as ikakabit natin sa mainland hospital at uunahin natin ang RHU ng Panukulan at kung may mga pasyenteng nangangailangan ng mas mataas na antas ng paggamot, gagamitin natin ang telemedicine upang maka-access tayo sa mga espesyalista na nasa Maynila,” dagdag niya pa.

Binigyang diin ni Janairo na ang pagbili ng ambulansya ay naging posible dahil sa pera nagaling sa buwis. Sinabi rin niya na ang paglulunsad ng ambulansya ng dagat ay nagsisiguro na palakasin ang sistema ng pangangalagang pangkalusugan. “Narito tayo upang masiguro ang tamang paggamit ng perang ito kaya kailangan nating pangalagaan at bigyang halaga ang mga kagamitang nabibili natin upang maibalik natin sa tao ang serbisyong panglipunan para mapakinabangan naman ang perang inilalagak nila sa national government upang makuntento tayo at magamit ng husto sa pagpapatibay at pagpapalawak ng ating health care system.”

0 comments:

Post a Comment


Loading...