Flash News
Mail Instagram YouTube YouTube
CALABARZON

Bagong walking shed para sa paaralan ng Lungsod ng Lucena

October 19, 2019

LUNGSOD NG LUCENA, Quezon - Pormal nang binuksan sa publiko ang 462 meters na walkshed para sa mga mag-aaral ng Southern Luzon State University Lucena Campus (SLSU) sa pangunguna ni 2nd District Representative David C. Suarez kasama sina Mayor Dondon Alcala, mga Konsehal ng Lungsod ng Lucena, Bokal Yna Liwanag, Bokal Romano Talaga at Bokal Beth Sio, mga mag-aaral, mga guro at magulang nitong nakaraang Lunes, ika-15 ng Oktober.

Ang nasabing proyekto ay pakikinabangan ng mga mag-aaral buhat sa Lucena City National High School (LCNHS) at SLSU Lucena.

Ayon kay Congressman Suarez, layunin ng proyekto na panatilihin ang kaligtasan ng mga motorista at mga mag-aaral.

``Itong ginagawa nating covered pathway ay isang testament. Naniniwala ako na umpisa pa lamang ito, wala pa ito sa mas magagandang proyekto na matatanggap natin dito sa Lungsod ng Lucena.´´ ayon kay Cong. Suarez.

Lubos naman ang pasasalamat ni Lucena City Mayor Dondon Alcala sa pagkakaloob ng nasabing proyekto na siyang higit na pakikinabangan ng mga estudyante.

___ADVERTISEMENT - CONTINUE READING BELOW___




Nagpahayag naman ng pakikiisa at suporta si SLSU Director Fredirick Villa para sa anumang gawain at proyekto ng pamahalaan para sa ikakaunlad ng lalawigan ng Quezon. Nagparating rin ng mensahe ang kinatawan ng LCNH na si Fermela Calvario.

``Hindi lang ito para sa amin, kundi kasama ang mga katabing lugar at alam ko na hindi lang dito natatapos ang pagtulong niyo sa amin lalo na sa program ng edukasyon´´,saad ni Calvario.

Bilang panghuli, ang pagkakaroon ng pagkakaisa at matibay na samahan ang ipinahatid ni Cong. Suarez para sa panpapa-unlad ng lungsod.

´´I’m very excited about project that we will implement here together with the City Government of Lucena. Tunay po na maganda ang kinabukasan ng lungsod dahil finally we’re setting aside politics and looking forward towards development. Mas maganda kung sama-sama tayong nagtutulungan, ipapakita namin kung ano ang magagawa ng Bagong Lucena na may Serbisyong Suarez pa para sa Lungsod ng Lucena´´, pagtatapos ni Cong. Suarez. (Quezon-PIO)

0 comments:

Post a Comment


Loading...