Flash News
Mail Instagram YouTube YouTube
CALABARZON

Paglulunsad ng sure aid program sa lungsod, pinangunahan ng city agriculturist office

October 5, 2019

LUNGSOD NG LUCENA, Quezon - Sa ilalim ng survival and recovery assistance o sure aid program ng department of agriculture, p15,000 na soft loan na may zero-interest at collateral fee ang maaaring I-avail ng mga kwalipikadong rice farmer sa lungsod.

Sa pangunguna ni mayor dondon alcala at sa inisyatibo ni city agriculturist melissa letargo, inilunsad kamakailan ng department of agriculture- agricultural credit policy council at landbank of the philippines ang sure adi program na naglalayong matulungan ang mga magsasakang apektado ng rice tariffication bill.

Sa isinagawang sure aid program orientation at loan application seminar kamakailan, nabatid na isang beses lamang maaaring magloan ang isang rice farmer na nagsasaka ng hindi hihigit sa isang heltarang lupa.

Gayonpaman, bukod sa zero-interest at no collateral fee, maaaring bayaran ang inutang na pera sa loob ng 8 taon.

___ADVERTISEMENT - CONTINUE READING BELOW___




Ayon naman sa pamunuan ng landbank, magiging malaking tulong para sa mga magsasaka ang naturang programa.

Tiniyak rin ng mga ito na maging ang pagproproseso sa aplikasyon ng mga kukuha ng sure aid program ay mabilis na maaprubahan ng landbank basta’t siguraduhin lang umano na kumpleto ang mga rekisito na kanilang hinihingi gaya ng government id at certification of eligibility mula sa da.

Sa oras na maaprubahan, makatatanggap ang mga ito ng landbank cash card na agad na magagamit para sa pagwiwithdraw ng perang kanilang ni-loan.

Samantala, dumalo rin sa nasabing aktibidad si mark don victor alcala na nagrepresenta sa kaniyang ama na si mayor dondon alcala. Anito, hindi pinababayaan ng alkalde ang sektor ng mga magsasaka sapagkat ang mga ito ang isa sa kauna-unahang nagbigay ng pagsuporta sa kaniya. (pio lucena/c.Zapanta)

0 comments:

Post a Comment


Loading...