Flash News
Mail Instagram YouTube YouTube
CALABARZON

Proyektong plastik palit sabon sa Bae, inumpisahan na

By Rachel Joy Gabrido
November 30, 2019

Aktuwal na pagkikilo ng mga nakalap na plastik na basura ng ilang mga bata sa Brgy. Maitim upang ipalit sa sabong panglaba. (Larawang pagmamay-ari ni Konsehal Marvin Comia)


CALAMBA CITY, Laguna - Bilang tugon sa lumalalang problema sa basura sa bansa, pinangunahan ng Association of Municipal Barangay Environment Council (AMEC) at ng Municipal Environment and Natural Resources Office (MENRO) Bae sa Laguna ang proyektong “Basura Mo, Palit Sabon” na nag-umpisa noong ika-19 ng Nobyembre 2019.

Bawat baranggay ay pinagkalooban ng lokal na pamahalaan ng Bae ng supply ng sabong panglaba na siyang ipapalit sa mga plastik na dadalhin ng mga residente sa mga designated areas.

___ADVERTISEMENT - CONTINUE READING BELOW___




Ayon kay Konsehal Marvin Comia ng Baranggay Maitim na hindi na kailangan pang ilagay sa plastik na botelya ang mga dadalhing plastik na basura. Ang mga basurang plastik ay kikiluhin lamang kung saan ang katumbas ng isang kilo ay dalawang sachet ng powder o kaya naman ay isang jumbo bar na sabong panglaba.

Sinabi ni Bae MENRO Angelynne A. Lopez sa Philippine Information Agency Calabarzon na layunin ng programang mabawasan ang mga basurang itinatapon, lalo’t higit ang mga plastic, at mapanatili ang kalinisan ng kapaligiran.

Aniya ang mga plastik na ito ay maaaring gawan pa ng pakinabang o pwedeng i-recycle.

Ang mga makakalap na plastik ay dadalhin ng MENRO Bae sa pribadong kumpanya na Unilever kung saan ang mga plastik na basura ay ginagawang upuan para muling mapakinabangan. (Joy Gabrido/PIA 4A)

0 comments:

Post a Comment


Loading...