Editorial February 15, 2020 Natapos na ang Araw ng mga Puso, Pebrero 14. Araw ng mga puso, Buwan ng Pag-ibig. Saint Valentine's Day...
February 15, 2020
Natapos na ang Araw ng mga Puso, Pebrero 14. Araw ng mga puso, Buwan ng Pag-ibig. Saint Valentine's Day.
Araw ng mga puso, kuskusan ng mga nguso! Sabi ng mga millenials.
Para sa mga mag-aasawa, mga magkasintahan o magsing-irog, ang araw na ito ay ipinagdiriwang nila sa pamamgitan ng pag-aalala sa isa't isa, pagbibigayan ng bulaklak, tsokoleyt, at kung anu-ano pa na sumasagisag sa pagmamahal.
Naglalaan sila ng panahon para makasama ang bawa't isa sa buong araw at nagde-date pa nga o namamasayal sa magagandang lugar.
Magandang tradisyon iyan. Subalit dapat ding isipin na ang pag-ibig o pagmamahal ay hindi lamang para sa mag-aasawa o magkasintahan kundi para rin sa buong pamilya, sa mga magkakaibigan, at para sa lahat.
Maraming paraan kung paano maipadama ang pagmamahal at malasakit sa kapuwa, at sana, gawin ito hindi lamang tuwing Love Month o Valentine's Day o Araw ng mga Puso, kundi sa lahat ng araw.
Lalo't higit sa panahon ng kalamidad o kagipitan. Tulad ngayon, ang mga Batangueño ay nagsisimula pa lamang bumangon sa pinsalang hatid ng Bulkang Taal, ay heto na naman at panibagong banta, ang COVID-19 virus.
Hindi na malaman kung paano pa ito haharapin at lalabanan. Siguro, bahala na lang ang Diyos.
At sabi nga nila, ipagdiwang ang Araw ng mga Puso nang may pag-ibig at pagmamahal sa bawa't isa na ang nasa gitna ay ang Diyos. At bukas, bahala na. May bukas pa.
"May bukas pa sa ating buhay... Ang iyong pagdaramdam, idalangin mo sa Maykapal, na sa puso mo, ay mawala nang lubusan."
HAPPY VALENTINE'S DAY sa ating lahat.
No comments