City Engineering Office inaksyunan ang bumagsak na puno sa kabahayan sa bahagi ng Barangay Ibabang Dupay

by PIO Lucena/Josa Cruzat October 13, 2021 City Engineering Office sa pakikipag-koordinasyon ng Pamahalaang Pambarangay sa ilalim ng pangang...

by PIO Lucena/Josa Cruzat
October 13, 2021


City Engineering Office inaksyunan ang bumagsak na puno sa kabahayan sa bahagi ng Barangay Ibabang Dupay
City Engineering Office sa pakikipag-koordinasyon ng Pamahalaang Pambarangay sa ilalim ng pangangasiwa ni Kapitan Jacinto ‘Boy’ Jaca at ni Sangguniang Kabataan Chairperson Rolden Garcia at mga tauhan ng Maintenance Division upang ayusin ang bumagsak na puno sa kabahayan sa bahagi ng Purok Central sa Barangay Ibabang Dupay. (Photo by PIO Lucena)



LUCENA CITY - Agad na inaksyunan ng City Engineering Office ang idinulog sa mga itong bumagsak na puno sa kabahayan sa bahagi ng Purok Central sa Barangay Ibabang Dupay kamakailan.

Sa pakikipag-koordinasyon ng Pamahalaang Pambarangay sa ilalim ng pangangasiwa ni Kapitan Jacinto ‘Boy’ Jaca at ni Sangguniang Kabataan Chairperson Rolden Garcia ay agad na tinungo ng mga tauhan ng Maintenance Division ng naturang tanggapan sa pangunguna ni Engr. Jun Villaruel at ng mga tauhan nito ang lugar na pinangyarihan ng insidente.



Sa naging pagbahagi ni Garcia sa pangyayari, aabot sa humigit kumulang na tatlong kabahayan sa nabanggit na lugar ang naapektuhan ng pagbagsak ng puno na siyang dumirekta sa bahagi ng bubong ng mga kabahayan.

Pangamba ng mga residente na ito nab aka tuluyang malaglag ang puno sa kanilang bahay kapag nagkataong umulan ng malakas kaya naman agad na dumulog ang mga ito sa barangay.



Kaugnay nito ay naging mabilis ang pag-aksyon ng barangay at ng City Engineering Office at ayon pa kay Garcia ay bahagi ito ng kanilang pagbibigay serbisyo sa mga mamamayan ng lungsod gayundin sa kagustuhan na hindi pa maging sanhi ng anumang aksidente ang naturang insidente.

At dahil sa matagumpay na pagtanggal ng naturang bumagsak na puno ay labis na pasasalamat ang ipinaabot ng naapektuhang mga residente sa buong tanggapan ng City Engineering gayundin sa mga opisyales ng barangay.



Ang patuloy na pakikipag-ugnayan na ito ng Pamahalaang Pambarangay ng Ibabang Dupay sa City Engineering Office at sa Maintenance Division nito hinggil sa mga idinudulog na pagsasaayos sa kanilang lugar ay bilang pagbibigay malasakit para sa ikasasaayos ng kalagayan ng mga Dupayin.

Related

Quezon Province 6701074194247971830

Post a Comment

emo-but-icon

Follow Us

Health

Total Pageviews

Latest News

Hot

Comments

Advertisement

About Us

Sentinel Times is Quezon Province #1 Regional Weekly Newspaper. We're in print, website, and radio. We will bring you the latest news and updates.

Connect Us

Sentinel Times Quezon Province Regional Weekly Newspaper is published at 0944 Enverga Boulevard, Manuel S. Enverga University Foundation, Site Village, Barangay Ibabang Dupay 4301 Lucena City, Quezon Province, Philippines. Cellphone# (Smart) 09190001601 / (Globe) 09279385896

Advertisement

item