Inuman ng magkapatid sa Angono, nauwi sa pananaksak

by Go Rizal January 24, 2022 (Photo from Wikimedia Commons) ANGONO, Rizal - Patay ang isang lalaki matapos pagsasaksakin ng sariling kapati...

by Go Rizal
January 24, 2022

(Photo from Wikimedia Commons)

ANGONO, Rizal - Patay ang isang lalaki matapos pagsasaksakin ng sariling kapatid habang nag-iinuman sa Barangay San Isidro, Angono, Rizal, ayon sa ulat nitong Lunes.

Batay sa ulat ng Calabarzon police, umiinom ng alak sina Jerry Cabiling at ang kanyang kapatid na si Jesus bandang 6:20 ng gabi sa bahay ni Jesus.



Nagkaroon umano ng mainit na pagtatalo sa pagitan ng magkapatid na siyang nagtulak kay Jesus na kumuha ng patalim at pinagsasaksak si Jerry sa iba’t ibang bahagi ng katawan.

Dinala si Jerry sa pinakamalapit na ospital, ngunit binawian na ng buhay bago pa umabot sa pagamutan.



Samantala, nakatakas si Jesus matapos ang pananaksak, ngunit naaresto rin ng mga pulis sa isang follow-up operation. (with report from Delfin T. Mallari Jr./Inquirer)