Kandidatang Lucenahin para sa Miss Philippines Earth 2017, ipinakilala

Shian Louise Kim (Photo from Shian Louise Kim facebook account) LUNGSOD NG LUCENA, Quezon - Ipinakilala sa mga kawani at mga opisyales ...

Shian Louise Kim
(Photo from Shian Louise Kim facebook account)

LUNGSOD NG LUCENA, Quezon - Ipinakilala sa mga kawani at mga opisyales ng local na pamahalaan ang magiging kinatawan ng lungsod sa katauyhan ni Shian Louise Kim para sa isa sa mga prestihiyosong pageant sa bansa ang Miss Philippines Earth 2017 sa isinagawang flag raising ceremony kamakailan.

Ang Miss Philippines Earth 2017 ay isang beauty pageant for a cause, layon ng naturang aktibidad ang maipatupad ang anumang adbokasiya ng mananalong kandidata para sa pangangalaga ng kalikasan.

Kung kaya ipinahayag ni Kim ang kaniyang adbokasiya na Community Based Sustainable Tourism na makatutulong hindi lamang sa komunidad gayundin ang kapaligiran at nag paglago ng turismo at ng ekonomiya. Dagdag pa ni Kim, nagpapasalamat siya sa mga organizers ng Binibining Pasayahan 2017 at Executive Committee ng PSL 2017 dahil nabigyan siya ng pagkakataon upang maipakilala ang kaniyang sarili na siyang magdadala ng pangalan ng lungsod sa nasabing pageant.

Inanyayahan din ni Shaina Louise Kim ang lahat na panoorin ang Miss Philippines Easth 2017 sa July 15 sa MOA Arena na ipalalabas sa ABS-CBN sa July 16ganap na 10:00 ng umaga. (PIO Lucena/J. Escuterio)