Flash News
Mail RSS
Quezon Province
Loading...

City Administrator Anacleto Alcala Jr, hinikayat ang ilang pang mga empleyado ng pamahalaan panlungsod na wala pang sariling bahay na magpalista sa DonVictor Ville

Isa sa programa ng pamahalaan panlungsod sa ilalim ng administrastion ng bagong lucena sa pamumuno ni Mayor Roderick “Dondon” Alcala ay ang housing project.

At ito ay ang pabahay para sa mga JO at JODA na wala pang tirahan.

Matatandaan na sa kasalukuyan ng takatira sa sarili nilang tahanan ang nabenipisyuhan ng libreng pabahay na ito ng punong lungsod sa DonVictor Ville sa bahagi ng Silangan Mayao.

Kaya naman sa isinagawang flag raising ceremony ng pamahalaan panlungsod kamakailan ilang sa nabanggit ni Lucena City Administrator Anacleto Jun Alcala Jr. na sa kasalukuyan ay may ginagawang dalawang model house at halos tapos na ito sa naturang lugar at puwede ng mamimili ang mga magiging benepisyari.

Binanggit rin ni City Admin Alcala, na doon sa mga empleyado na interesado na kumuha ng sa alinman model house ay puwede silang magpatala sa Urban Poor Affairs Division sa pamumuno ni Lerma Pajarda.

Sinabi pa ng nasabing opisyal na pagkatapos ng naturang proyekto ay magkakaroon ng MOA Signing sa paggitan ng Lucena City Government na rerepresenta ni Mayor Dondon Alcala, Pag-ibig at ng Hosing and Land Use Regulatory Board o HLURB.

Dagdag pa ni Alcala, kapag nagkaroon na ng signing ay tuloy tuloy na ang gagawing pabahay na ito para sa Lucena City Government employees at ng ilang pang national agency at iba pa.

Sa huli ay muli hinikayat ni Jun Alcala, ang mga empleyado ng pamahalaan panlungsod na magpalista yong mga interesado matungo lang sa tanggapan ng UPAD at pumasyal ang mga ito sa DonVictor Ville.

Ang programang housing project na ito ng lungsod sa kabutihan loob ni Mayor Dondon Alcala na ang tanging hanggad ay magkaroon ng sariling tahanan ang ilan nating mga empleyado at miyembro ng Joda sa lungsod at maging maayos ang pamumuhay ng mga ito. (PIO Lucena/Jayr Maceda)