Flash News
Mail RSS
Quezon Province
Loading...

CITY HEALTH OFFICER DRA. JOCELYN CHUA PINAYUHAN ANG MGA MAMAMAYANG LUCENAHIN NA MAY CATARATA NA HUWAG MATAKOT MAGPA-OPERA

Kamakailan ay isinagawa ang pagbibigay ng mga salamin sa mata sa halos 200 nating mamamayang lucenahin ng pamahalaan panlungsod.

Ang nabanggit na proyekto ay nasa ilalim ng Bagong Lucena Health Program na naglalayong mapatingnan ang mga mata ng pasyente nito at mabigyan ng tamang grado na naaayon sa kanilang paningin.

Samantalang bukod sa libreng salamin na ito na ibinibigay ng city government of lucena sa mga kababayan natin ay mayroon din na libreng operasyon para sa mayroon catarata.

Sa naturang aktibidad ay binanggit ni City Health Officer Dra. Jocelyn Chua, na marami ng naoperahan ng catarata sa unang batch.

Ayon kay Chua, kung sila ay nasabihan ng Dr. sa mata na kailangan na maoperahan ang kanilang Cataratakailangan na itong maopera.

At huwag aniya matakot na maoperahan ang sakit na ito, dahil kapag lumala ang kanilang sakit ay wala na umanong salamin na magpapalinaw sa kanilang mga mata.

Ayon pa dito kahit na sukatan sila ng salamin at andoon pa rin ang catarata ay hindi magkakaigi ang salamin na maibibgay sa kanila.

Dagdag pa ng nasabing opisyal ng City Health Office na libre naman ang operasyon ng catarata na ibinibigay na pamahalaan panlungsod para sa mga mamamayan lucenahin at ito ay sa kabutihan loob ni Mayor Dondon Alcala.

Ang libreng operasyong nabanggit aysa ilalim rin ng proyekto ng Bagong Lucena Health Program. (PIO-Lucena/J. Maceda)