Flash News
Mail RSS
Quezon Province
Loading...

Information dissemination campaign hinggil sa segregation ng basura, tututukan ng sangguniang barangay dalahican

Upang makatulong sa programa ng pamahalaan ng panlungsod na solid waste management  act o ra 9003.

Na sa kasalukuyan ay ipinaiimplement na sa loob ng poblasyon sa lungsod.

Bagamat sa poblasyon pa lamang ang nasabing ordinansa ay bubuo ang sangguniang barangay dalahican ng isang komitiba para sa waste segregation sa kanilang lugar.

Hinihintay lamang nila ang atas ng lungsod ng lucena sa kanilang barangay upang iimplement ang ordinasa.

Ito ang ilan pa sa binanggit ni kapitan roderick macinas ng naturang barangay sa panayam ng tv12 kamakailan.

Ayon kay chairman macinas, magkakaroon din sila ng information dissemination campaign hinggil sa pagsegregate ng basura.

Bagamat alam na ng ilang mga kabarangay nila ito ay kanila pa rin ipapaalam ang paghihiwa-hiwalay ng nabubulok sa di nabubulok na basura.

Dagdag pa ng kapitan, kapag ito ay naipaalam na sa lahat ng bawat tahanan sa kanilang lugar at kung dumating na ang ordinasang ito sa kanilang barangay ay saka nila full implement ang naturang batas.

Samantalang nagpasalamat naman si roderick macinas, sa pamahalaan panlungsod lalo’t higit kay mayor dondon alcala dahil sa regular na nakukulekta ang mga basura sa kanilang barangay ng mga tauhan ng city general services office.

At asahan rin aniya ng punong lungsod na ang nasabing implementation na ordinansa ng lucena na solid waste management ay buo ang kanilang susuportahan dito. (Pio lucena/ j. Maceda)