Mayor dondon alcala, tumanggap ng pagkilala mula sa lucena city girlscout council

Bilang tanda ng pasasalamat sa tulong ng punong lungsod sa isinagawang proyekto ng lucena city girl scout council, sa pangunguna ng council ...

Bilang tanda ng pasasalamat sa tulong ng punong lungsod sa isinagawang proyekto ng lucena city girl scout council, sa pangunguna ng council president ng lcgc na si myla mendiola, pinagkalooban ng nasabing grupo si mayor dondon alcala ng certificate of appreciation sa nakalipas na flag raising ceremony kamakailan.

Sa harapan ng mga kawani ng lokal na pamahalaan, malugod na ibinahagi ni lorena potestades, council executive ng lucena city girl scout council , na sa halos isang daang councils na nakiisa at naglaban-laban, kabilang ang junior girlscout troop ng lucena city girscout council sa 13 councils na maswerteng napili bilang isa sa mga finalists para sa pilar hidalgo lim troup achievement award noong nakaraang buwan ng hulyo.

Anito, sa pamamagitan ng pagkakaisa at pagtutulong-tulong ng mga myembro ng junior girl scout troop na pawang mga estudaynte ng east 3 elementary school at mga barangay girl scout committee na nagsisilbing mga boluntir mula sa komunidad, naging matagumpay ang pagsasagawa ng proyektong gulayan sa barangay 10.

Naging malaking katulungan umano para sa mga residente ng nasabing komunidad ang inilagay na vegetable garden ng mga kabatan na kalaunan ay pinagmumulan na rin ng hanapbuhay ng mga ito.

Ayon kay potestades, bukod sa pagsusumikap ng nasabing grupo, hindi magiging matagumpay ang nasabing proyekto kung wala ang tulong at suportang ipinagkakaloob ni mayor dondon alcala kaya’t umaasa ang nasabing samahan na patuloy pang magiging katuwang ng lcgsc ang lokal na pamahalaan sa pagsasagawa ng katulad pang mga proyekto sa darating na panahon. (pio lucena/c.zapanta)