Page Nav

HIDE

Breaking News:

latest

Ads Place

HATID KWENTO PARA KINA NENE AT TOTOY PROGRAM NG CITY LIBRARY, ISINAGAWA SA TATLONG PAARALAN SA LUNGSOD

Idinaos kamakailan sa tatlong paaralan sa lungsod ang isa sa programa ng tanggapan ng panlungsod na aklatan para sa pamayanan na Hatid kwe...


Idinaos kamakailan sa tatlong paaralan sa lungsod ang isa sa programa ng tanggapan ng panlungsod na aklatan para sa pamayanan na Hatid kwento para kina nene at totoy.
Kabilang sa mga paaralang pinagganapan ng naturang aktibidad ay ang Talao-talao Child Development Center, Lucena West 1 Elementary School at Lucena East 7 Elementary School na kapwa mayroong special education program.
Ayon kay Miled Ibias, napili nilang isagawa ang aktibidad sa mga nabanggit na paaralan upang ilapit ang knailang mga programa sa mga mamamayan partikular na sa kabataan
Dito ay nagsagawa ng storytelling activity ang mga kawani ng City Library katulong ang ilang mga estudyante sa isang unibersidad sa lungsod, habang nagsasagawa ng sign language ang isang guro sa binisitang paaralan upang mas maging malinaw sa mga kabataan ang mensahe at nilalaman ng kwento.
Nagkaloob din ang tanggapan ng ilang mga babasahing libro partikular na ang mga children’s books sa mga guro ng paaralan.
Ang mga naturang aklat ay magagamit ng mga ito sa kanilang pagtuturo at paghahasa ng kaalaman ng mga kabataan.
Bukod sa layuning maging kaisa ang lahat ng Lucenahin sa mga programa ng panlungsod na aklatan, isinagawa rin ito bilang pakikiisa sa 28th Library Information Systems Month at 84th National Book Week Celebration.
Gayundin ay bilang patunay na patuloy ang pagsusulong ng lokal na pamahalaan kaisa ng City Library ng mga programa at proyekto para sa mga kabataang Lucenahin.(PIO-Lucena/M.A.Minor)


Latest Articles

OFFICE ADDRESS: Sentinel Times Quezon Province Regional Weekly Newspaper is published at Dau St. Calmar Subd. Brgy. Mayao Kanluran, Lucena City, 4301 Quezon Province, Philippines
TELEPHONE: 042-717-6108
CELL: 0927-938-5896
E-MAIL: contact@sentineltimes.net
WEBSITE: https://www.sentineltimes.net/
SOCIAL MEDIA: @stcalabarzon