Flash News
Mail RSS
Quezon Province
Loading...

Pagbaba ng presyo ng produktong petrolyo, hindi sapat para sa mga tricycle drivers ng lungsod


Tila hindi parin sapat para sa mga lucenahing labis na naapektuhan ng pagtaas ng presyo ng mga bilihin ang tuloy-tuloy na pagbaba ng presyo ng mga produktong petrolyo.

Matatandaang simula noong ika-16  ng oktubre ay nagkaroon ng  5 magkakasunod na oil price rollback bunsod ngpagbaba ng presyuhan at maraming supply ng langis sa pandaigdigang pamilihan.


Sa 5 magkakasunod  na linggo, naglalaro sa halos p8  kada litro ang nabawas sa presyo ng gasoline na  nitong martes lang  ay natapyasan na namang muli ng p2.50.

Ngunit ayon sa tricycle driver na si leo jabito, residente ng barangay  ibabang talim, bale-wala umano  ang kakarampot na dagdag kita  sa patuloy na pagsirit ng presyo ng mga pangunahing bilihin.

Apela pa nito, tila hindi sapat  ang  mga diskarte nilang mag-asawa makasabay lamang  sa pagsipa ng mga presyo ng pang araw-araw nilang pagkain, madalas daw kasi  bitin parin ang kanilang budget.

Bagamat inaasahan na magtutuloy-tuloy hanggang sa dulo ng taon ang mga bawas sa presyo ng produktong petrolyo, ngayon pa lang ay pinaghahandaan na ni jabito ang  kalbaryong kanilang sasapitin sa pagpasok ng buwan ng disyembre dahil sa  posible pang paglobo ng presyo ng mga bilihin. (Pio lucena/c.Zapanta)