PAMAHALAANG BARANGAY, NAGIGING KATUWANG NG PDAO SA PAGPAPAKALAT NG IMPORMASYON HINGGIL SA MGA BENEPISYONG POSIBLENG MAKUHA NG LUCENAHING KABILANG SA NATATANGING SEKTOR

Nagiging katuwang ng tanggapan ng natatanging sektor ang ABC o ang samahan ng mga kapitan sa bawat barangay sa lungsod sa pagpapakalat ng ...

Nagiging katuwang ng tanggapan ng natatanging sektor ang ABC o ang samahan ng mga kapitan sa bawat barangay sa lungsod sa pagpapakalat ng impormasyon hinggil sa mga benepisyong posibleng makuha ng isang indibidwal na kabahagi nito.

Ito ang inilahad ng hepe ng Person with Disability Affairs Office na si Cristy Fernandez sa naging panayam sa kanya ng TV12 kamakailan.

Sa pamamagitan aniya ng pakikipag-ugnayan ng kanilang tanggapan sa bawat kapitan ng barangay ay nagiging mas madali sa kanila ang pagpaparating sa mga mamamayan ng mga aktibidades at proyekto hatid ng PDAO para mga ito.

Nakakatulong din aniya ito para mas maipaliwanag pa ang kahalagahan ng pakiiisa sa mga programa ng pamahalaang panlungsod kabilang na ang iba’t ibang selebrasyon ng lungsod para sa kanila tulad ng National Disability Prevention and Rehabilitation Week at  International Day of Persons with Disabilities.

Natutulungan din aniya ang mga miyembro ng natatanging sektor na wala pang PWD ID na makakuha nito.

Ikinatutuwa naman ni Fernandez ang positibong tugon ng mga kapitan sa tuwing kinakailangan nila ng tulong mula sa mga ito.

Bukod sa ABC o Association of barangay Captains, ilang ahensya at organisayon rin ang nagiging katuwang ng PDAO sa pagsasagawa ng kanilang mga programa tulad na lang ng lucena city council on disability affairs, Kiwanis at Natatanging sektor ng may kapansanan Lucena Inc. (PIO-Lucena/M.A. Minor)