Flash News
Mail RSS
Quezon Province
Loading...

Bagong pamunuaan ng Grand Central JODA, nanumpa kay Mayor Dondon Alcala


Pormal nang nanumpa kay Mayor Roderick “Dondon” Alcala ang mga bagong halal na opisyales ng Grand Central Terminal Jeepney Operators and Drivers Association kamakailan.

Ginanap ang naturang panunumpa sa conference room ng Mayor’s Pffice na kung saan ay si Mayor Dondon Alcala ang naging inducting officer ng mga ito.

Nakasama rin ng alkalde sa panunumpang nabanggit at siyang tumayong witness ng mga ito sina Councilors Manong Nick Pedro at V

ic Paulo gayundin ang mga naghahangad na maging konsehales ng lungsod na sina Engr. Wilbert McKinley Noche at Engr. Jose Christian Ona.

Nahirang na bagong presidente ng samahan si Enrique Rolle, vice president naman si Mark Anthony Geron, Secretary si Francis Rodenas, treasurer naman si Bernardo Orig at PRO si Carlito Villanueva.

Samantala nahirang naman na mga miyembro ng board of directors sina Daniel Lopez, Dennis Zoleta, Robin Mateo, Angelito De Asis, Leonito Labiano, Ervin Alpay, at Rene Villareal.

Matapos ang panunumpa ng mga bagong opisyales na ito, buong pagmamalaki ng inihayag ni Mayor Alcala na nakahanda siyang suportahan ang lahat ng kanilang mga magiging programa at proyketo para sa nasabing samahan.

At sakali aniyang may mga pangangailangan ang mga ito ay sinabi rin ng punong lungsod na huwag silang magatubili na ipagbigay alam ito sa kaniya upang agad na matulungan ang mga ito sa abot ng kaniyang makakaya.

Lubos namang ikinagalak ng mga bagong pamunuaan ang ipinahayag sa kanilang ito ni mayor Alcala at anila ang kanilang samahan at ang lahat ng kanilang mga miyembro ay palagiang nakasuporta sa mga programa at proyektong ipinatutupag ng pamahalaang panlungosd.

Ang isinagawang panunumpang ito ng mga bagong halal na opisyales ng Grand Central JODA kay Mayor Dondon Alcala ay bilang pagpapakita nila ng kanilang taus pusong pasasalamat at paggalang dito dahilan sa walang sawang pagsuporta nito sa kanilang grupo. (PIO Lucena/ R. Lim)