Iligal na droga ang malimit na kaakibat ng mga krimeng nangyayari sa lungsod, at upang maresolba ito nang tuluyan, kakailanganin ng mga kapu...
Upang mas mapalakas pa ang pwersa ng community mobilization program ng mga kapulisan, umapela ng tulong ang lucena pnp sa mahigit 150 purok leaders na dumalo sa isinagawang seminar ng city people’s law enforcement board kamakailan.
Ayon kay platino, aktibo ang city anti-drug abuse council at ang kapulisan sa kampanya laban sa iligal na droga lalo na’t ito rin ang pangunahing rason ng mga nangyayaring krimen sa lungsod gaya ng pagnanakaw, panghahalay, at pagpatay.
Anito, ang mga nasasamsam na supply ng shabu sa lungsod ay nanggagaling na sa mga karatig bayan at probinsya na nangangahulugan lamang na epektibo ang community mobilization program ng pnp, bagay na hindi umano mangyayari kung wala ang makikiisa at partisipasyon ng bawat barangay.
Sa tulong raw kasi ng mga cluster leaders sa bawat komunidad ay nagkakaroon sila ng mga impormasyon hinggil sa mga nagtutulak at gumagamit ng shabu sa isang lugar.
Ngunit target ng kanilang grupo na sa mga darating na panahon, wala nang shabu pa ang makalusot at makapasok sa lungsod.
At upang mangyari ito, kakailanganin ng lucena pnp ng karagdagang pwersa kaya naman hinikayat ni platino ang bawat barangay purok leaders na magbigay ng mga mahahalagang impormasyon na makatutulong sa kanilang mga isasagawang operasyon.(PIO LUCENA/ C.ZAPANTA)
