Flash News
Mail RSS
Quezon Province
Loading...

EXECUTIVE COMMITTEE NG PASAYAHAN SA LUCENA 2019, NAGPASIYA NA HINGGIL SA TEMA NG GRAND PARADE

Makulay na pasayahan grand parade ang inaasahang matutunghayan ng mga lucenahin at turista matapos na mapagkasunudan ng executive committee ng pasayahan sa lucena 2019 ang bagong tema para sa nasabing aktibidad.

Matapos na mapasama ang pasayahan sa lucena grand parade sa kalendaryo ng department of toursim calabarzon tuwing ika-28 ng mayo, simula ngayong taon ay napagdesisyonan ng executive committee for pasyaahn 2019 na pinangungunahan ni arween flores, na ‘mardi gras’ ang gawing tema ng mga patimpalak para sa nasabing parada.

Nagpalitan ng opinyon at suhesyon ang mga dumalong chairman sa nakalipas na pasayahan sa lucena 2019 events chairman meeting kamakailan. Bukod kasi sa mardi gras, fairytales, philippine festivals, local and foreign movie, at carnival theme ang kanilang pinagpipilan para sa tema ng float competition, street dancing contest, carnival queen, at pandong competition ng grand parade.

Ngunit sa huli, napagdesisyonan ng kometiba na muling buhayin ang mardi gras bilang pasimulang tema. Una umanong nakilala ang pasayahan sa lucena bilang mardi gras sa lucena na kalaunaan ay binago lamang dahil sa mga kinaharap na isyu.

Kinonsidera ng mga ito ang ilang factors gaya ng tunay na kahulugan ng mardi gras, mga isyung maaring kaharapin sakaling ito ang mapiling tema pati na ang mga restictions at criteria na kanilang iimplementa sa mga nasabing patimpalak.

Napagkasunduan rin ng kometiba na isama sa bibigyan ng puntos ang mga contestants na isasama ang produkto ng lucena na chami at tinapa sa kanilang entries.

Binigyang diin muli ng city tourism office na ang gaganaping pasayahan grand parade 2019 ay hindi lamang para sa mga lucenahin dahil ito’y bukas rin para sa lahat ng grupo mula sa ibang lungsod na nagnanais na makilahok dito.(PIO LUCENA/ C.ZAPANTA)