Upang maiwasan ang patuloy na pagdami ng nabibiktima ng sakit na tubeculosis sa bansa, kasabay ng pagpapasinaya ng libreng tuberculosis ma...
Upang maiwasan ang patuloy na pagdami ng
nabibiktima ng sakit na tubeculosis sa bansa, kasabay ng pagpapasinaya ng
libreng tuberculosis mass screening test sa ilang mamamayang lucenahin
kamakailan, nagbahagi rin ng kaalaman ang city health office hinggil sa
nasabing sakit at kung paano maiiwasan
ito.
Ayon kay
assistant city health officer dr. Vicente martinez,
ang tuberculosiss o tb ay isang airborne
desease na maaring makuha sa tatlong paraan gaya ng pagbahing, pag-ubo, at
pagdura.
Sa oras umano na
dapuan ang isang tao ng microbacterium tuberculosis dahil sa mga paraang
nabanggit, ang isang tao ay maari nang magkaroon ng impeksyon sa baga. Maaari
ring maapektuhan ang ibang parte ng katawan ng isang pasyente tulad ng bato,
buto at utak.
Ang
posibleng sintomas ng aktibong tb ay ang pag-ubo na tumatagal nang mahigit sa
dalawang linggo at ubong may bahid ng plema o dugo. Puwede ring makaranas ng
lagnat at pagpapawis na madalas umatake sa hapon o gabi, kawalan ng ganang
kumain, at pagbaba ng timbang.
Ayon sa pag-aaral, bawat taon, ang isang pasyenteng may
aktibong tb ay maaaring makahawa ng 10 katao. Sakali raw kasing hindi
magpagamot ang pasyenteng may tb, maaring mahawaan din ang mga kasamahan nito
sa bahay lalo na ang mga bata.
Kaya’t
payo nito, mahalaga na agad na
magpatingin kahit na hindi nakakararanas ng mga sintomas upang masiguro na
ligtas mula sa sakit.
Ang
sino mang nais na magpasuri ay maaaring pumunta sa barangay health center ng
kanilang lugar. Sakaling mag positibo sa tb, kakailanganing uminom na mga gamot
mula 6 hanggang 9 na buwan.
Mahalaga rin na alam ng publiko ang mga
pamamaraan upang hindi maipasa sa ibang tao ang mikrpbyo gaya ng pagtatakip ng
bibig gamit ang tisyu o panyo. Maari ring magtakip ng bibig gamit ang manggas
o loob ng kwelyo ng suot na damit.
Kailangan rin na ugalin ang tamang paghuhugas ng kamay at pagtatapon ng ginamit na tisyu sa basurahan. (pio
lucena/c.zapanta)
