Flash News
Mail RSS
Quezon Province
Loading...

CHO, WALANG TIGIL SA PAGSASAGAWA NG MGA HAKBANGIN KONTRA DENGUE


Walang tigil ang city health office sa pagsasagawa ng mga hakbangin upang maibsan ang kaso ng dengue sa lungsod, ito ang  bagay na tiniyak ni maritess par, vector borne desease coordinator ng nasabing tanggapan.
Ayon kay par, mula nang pasimulan nila ang misting operations sa lungsod noong nakaraang buwan ng setyembre, bukod sa ilang mga pampublikong paaralan sa lungsod, 22 brgy na ang nalibot ng kanilang misting machines.
Inaabot umano ng  dalawang linggo ang pagsasagawa ng misting operation sa mga malalaking barangay gaya ng gulang-gulang, ibabang dupay, at dalahican habang 5 araw naman ang itinatagal sa maliliit na komunidad. Sa nasabing hakbangin, kaisa ng kanilang tanggapan ang mga opisyales ng barangay, brgy. Tanod, at mga purok leaders na siyang tinuturan ng mga kawani ng sanidad.
Sa kasalukuyan, nasa barangay bocohan at brgy. 9 ang  mga misting machines ng cho na ginagamit upang makapagbomba ng gamot sa paligid ng bawat bahay na posibleng pagtirhan ng mga lamok na may dalang dengue.
Bukod pa rito, patuloy rin umanong nagsasagawa ng clean up dirves ang bawat barangay sa kani-kanilang komunidad buwan-buwan.
Giit nito, higit na kailangang umaksyon ng pamunuan ng bawat barangay dahil mas malaki ang tungkulin at responsibilidad ng mga ito pagdating sa ganitong usapin.
Pinakang apektadong barangay pa rin ang brgy. Gulang-gulang, ibabang dupay, ilayang iyam , at cotta kung saan 11-15 taong gulang ang pinakang-apektado na karamihan ay mga kalalakihan.
Nais na bigyang diin ni par na ang  search and destroy at ang early consultation pa rin ang pinakang-mabisang paraan upang maibsan ang papalalang kaso ng dengue.  (pio lucena/c.zapanta)