Flash News
Mail Instagram YouTube YouTube
CALABARZON

COASTAL CLEAN-UP DRIVE SA BAHAGI NG IYAM AT DUMACAA RIVER, MATAGUMPAY NA ISINAGAWA


Pamayanang ligtas sa sakit dulot ng basura at kapaligirang malinis laban sa mga di kanais-nais na dumi mula sa iba’t ibang kabahayan.
Ito ang isa sa layunin ng isinagawa kamakailan na coastal clean-up drive sa bahagi ng tinatawag na kambal na ilog sa lungsod, ang Iyam at Dumacaa River.
Ang paglilinis ay pinangunahan ng sangguniang barangay ng Cotta sa pamumuno ng masipag na punong barangay nito na si Kapitana Annalou Alcala katuwang ang ilang mga kawani ng pamunuan kabilang ang mga barangay staff, barangay tanod, barangay health alliance, streetsweepers at ilang coordinators sa iba’t ibang purok sa Cotta.
Gayundin ay nakiisa ang mga miyembro ng Amihan o ang grupo na binubuo ng mga kababaihan sa barangay.
Sakay ng ilang mga Bangka ay tulong-tulong na nilinis ng mga naturang indibidwal ang kahabaan ng dalawang ilog malapit sa Brgy. Cotta, gayundin ang pampang na bahagi nito na kalimitang binabagsakan ng mga basura na inaanod mula sa iba’t ibang lugar sa lungsod.
Sama-sama silang nagwalis at namulot ng mga basura na sinilid sa mga garbage bags at nakatakdang i-dispose ng maayos sa tamang lugar.
Ang nasabing aktibidad ay bilang pagsuporta rin ng pamunuan sa paggunita sa World Wildlife’s Day na may temang “Life below water: for people and planet na ginanap noong ika-tatlo ng buwan ng Marso ngayong taon. (PIO-Lucena/M.A.Minor)

Loading...