Flash News
Mail Instagram YouTube YouTube
CALABARZON

LUCENA DISASTER RISK REDUCTION AND MANAGEMENT COUNCIL, NAGBIGAY PAALALA SA PUBLIKO HINGGIL SA KAHANDAAN SA DARATING NA BAKASYON


Papalapit na papalapit na ang darating na summer vacation, papalapit na papalapit na rin ang kasabikan ng mga mamamayan sa iba’t ibang destinasyon na kanilang pupuntahan para sulitin ang ilang araw na walang pasok.
Panahon at pagkakataon ito upang makasama nila ang kani-kanilang mga pamilya, kaibigan, kabarkada o maging katrabaho sa mga lugar na nauna nilang plinanong puntahan.
Pero kaalinsabay nito, ay kailangan din ang pagkakaroon ng bawat isa ng kaalaman upang mapanatiling ligtas ang kanilang mga sarili maging ang kanilang mga kasama.
Kaugnay nito, nagbigay paalala at babala sa publiko ang Lucena Disaster Risk Reduction Management Council sa pangunguna ng hepe nito na si Janet Gendrano hinggil sa mga kahandaang dapat isaalang- alang ng bawat isa ngayong panahon ng bakasyon.
Una umano ay para sa mga nagnanais na pumunta sa mga tourist beaches upang maligo at magtampisaw, ang mga indibidwal ay hinhikayat na mag-aral na lumangoy upang makaiwas sa pagkalunod.
Tiyakin rin na mayroong nakabantay na life guard at huwag masyadong lumayo sa pampang upang madaling masagip at Makita kung mapasailalim man sa di inaasahang pangyayari.
Para naman sa mga hindi marunong maglangoy, magsama ng mga kamag-anak o kaibigan na mayroong kaalaman gayundin ay huwang pabayaang mag-isa ang mga bata sa paliligo sa dagat.
Mahigpit na ipinagbabawal rin ang paglangoy kung nakainim man ng alak dahilan sa maaaring panganib o pinsalang maidulot nito.
Maaari ring magsuot ng life vest kung kinakailangan upang maiwasan ang pagkalunod.
Gayundin ang pagsusuot ng stinging suit o damit na makakaprotekta sa balat katulad ng rash guard, long pants, at pang-itaas na long-sleeves na magsisilbing proteksyon naman laban sa salabay.
Sakali namang may maganap na mga di inaasahang insidente, maaaring tumawag ang publiko sa mga emergency hotlines ng ilang tanggapan na maaring rumesponde tulad ng LDRRMO na may hotline na 797-0441 o 710-0117 at sa kanilang mobile phone number na 0938-956-8172.
Para naman sa Philippine Coast Guard, 0917-842-8291 at sa Bureau of Fire Protection, maaaring tumawag sa 710-0110 o 797-2320. Gayundin ang emergency hotline 119 ng Lucena PNP.
Sa huli, ay nagbigay ng paalala ang nasabing tanggapan na laging tandaan ng mga mamamayan ang mga bagay na dapat nilang isagawa at isaalang-alang.
Maging listo anumang oras at mas mainam umano ang mga mamamayang maagap, may kaalaman at kahandaan. (PIO-Lucena/M.A.Minor)


Loading...