September 20, 2019 LUNGSOD NG LUCENA - Kamakailan ay inilunsad ng Sangguniang Barangay ng Dalahican ang Bagong Henerasyon Kitchensa kani...
September 20, 2019
Pinangunahan mismo ng Chairman dito na si Roderick Macinas kasama ang ilang mga kagawad dito na sina Kagawad Raymundo Obciana, Ambet Borja at Kagawad Luistro San Pascual, mga Staff ng Barangay, Lupon, Purok Leaders at Coordinators.
Nakatuwang rin ng mga ito ang Regional Maritime Unit IV-A sa pamumuno ni Police Colonel Joriz Cantoria.
Ginanap ang nasabing aktibidad na ito sa Purok 3A kung saan nasa mahigit na 100 mga kabataan ang nabigyan ng libreng almusal na ito ng barangay.
Kita naman sa mukha ng mga bata dito ang kasiyahan at maging ang mga magulang nila.
Matatandaan na naglunsad rin ng halos kaparehas na programa ang barangay at ito ay ang Kalusugan para sa Kabataan feeding program.
Na ang layunin ay mapakain ang ilang mga kabataan na may kakulangan sa kalusugan.
At tanging hanggad naman ng Sangguniang Barangay ng Dalahican sa pamumuno ni Kapitan Macinas ay mabawasan ang malnourished sa kanilang lugar.
Samantalang nagpasalamat naman ang mga bata at magulangin ng mga ito sa lahat ng bumubuo ng sangguniang barangay. (PIO-Lucena/J.Maceda)
No comments