Flash News
Mail Instagram YouTube YouTube
CALABARZON

Unang pag-aalay ng Bulaklak sa mga miyembro ng Confradia de San Jose Isinagawa

by Khaye Brizuela
November 9, 2019

Miyembro ng Tuklas Tayabas Historical Soceity at si G. Renato Villa ( nakaluntiang damit sa gitna) mula sa Lucban Historical Soceity.

LUNGSOD NG TAYABAS, Quezon - Inakyat ng Tuklas Tayabas Historical Society, Lucban Historical Society at ng Kapatiran Ang Litaw na Katalinuhan o K.A.L.K. Litaw ang Mt. Banahaw - San Cristobal na nasa bahagi ng Brgy. Alitao sa Lungsod ng Tayabas noong Nonyembre 1, 2019 upang parangalan sa unang pagkakataon ang humigit kumulang na 500 miyembro ng Confradia De San Jose na dumanak ang dugo noong Nobyembre 1, 1841 sa kamay ng grupo ni Tenyente Koronel Joaquin Huet.

Tanging ang makasaysayang pananda na inilagay ng National Historical Commission of the Philippines ang nagsisilbing paalala sa naganap na Labanan sa Alitao na 178 na taon na ang nakalipas.

Pinangunahan ni Bb. Jessa Lacuesta ang pag awit ng Lupang Hinihiramg samantalang si Kagawad Armando Quintero naman ng nagbigay ng pambungad na pananalita.

___ADVERTISEMENT - CONTINUE READING BELOW___




Pangulong ng Tuklas Tayabas Historical Soceity, John Valdeavilla habang ngbibigay ng maiksing pananalita.



Ipinakilala din ni Vergel Villa pinuno ng K.A.L.K Litaw sa pamamagitan ng pagbabahagi ng maiksing kasaysayan ng samahan. Malaki ang ginagampanan ng naturang samahan sa pagbibigay parangal sa mga taong nagbuwis ng buhay sapagkat kasama sa kanilang adbokasiya ang pagbibigay kahalagahan sa kabayanihan.

Si G. Randy Villa ng Lucban Historical Society ang nagsalaysay ng talambuhay ni Hermano Pule o Apolinario Dela Cruz at ang mapait na sinapit ng kanyang mga kasamahan bago ang kanyang kamatayan.

Binigyang diin ni John Valdeavilla ang tinatawag na Lugar ng Erehiya ng mga Kastila na hango sa salitang “hereje” na ang ibig sabihin ay pagano.

Sinundan ito ng pag- aalay ng bulaklak ng mga samahan, pagdadasal, pag awit ng K.A.L.K Litaw at pagkuha ng larawan bago muling bumaba ang mga samahan.

Kasalukuyang naghahanap ng katuwang na samahalan o indibidwal ang Tuklas Tayabas Historical Society upang mapinturan at maisayos ang makasaysayang pananda at mabigyan ng kaukulang pag-alala ang pagbubuwis buhay ng humigit ‘ kumulang 500 na bayaning walang mga pangalan.

0 comments:

Post a Comment


Loading...