By Rachel Joy Gabrido March 21, 2020 BAY, Laguna - Pansamantalang ipinagpapaliban ng mga water district sa lalawigan ng Laguna ang p...
March 21, 2020
BAY, Laguna - Pansamantalang ipinagpapaliban ng mga water district sa lalawigan ng Laguna ang pagpuputol ng koneksyon ng tubig.
Ang Laguna Water District Aquatech Resources Corporation (LARC), Calamba Water District (CWD), Alaminos (Laguna) Water District (ALWD) at San Pablo City Water District (SPCWD) ang ilan sa mga nag-anunsyo ng pagsuspinde ng paniningil at pagpuputol ng linya ng tubig bilang tulong sa mga mamamayang apektado ng Enhanced Community Quarantine dulot ng banta ng Coronavirus Disease o COVID-19.
“Batid ng LARC ang kahalagahan ng suplay ng tubig para sa kalinisan at pag-iwas sa sakit. Gayundin,ramdam naming ang hirap sa pag-intindi ng ating kalusugan at ng mga bayarin sa panahong ito dulot ng COVID-19 at ng enhance community quarantine,” pahayag ng LARC sa Official Facebook Page nito.
Pansamantala aniyang pinagpapaliban ng LARC ang disconnection ng mga overdue accounts simula Marso 17 hanggang Abril 15, 2020 upang masiguro na ang mga customer nila ay siguradong may magagamit na tubig para mapanatili ang kalusugan at sanitasyon.
___ADVERTISEMENT - CONTINUE READING BELOW___
Dagdag pa nito, ang mga bayarin sa tubig para sa Marso 2020 ay maaaring bayaran hanggang Abril 15, 2020 na walang pataw na penalty.
Hinihikayat naman ang mga nais magbayad na gawin ito sa pamamagitan ng mobile fund transfer sa GCash o online banking sa LandBank upang makaiwas sa mahabang linya ng mga tao.
Patuloy umano ang normal na operasyon ng LARC upang makapaghatid ng suplay ng tubig sa mga tahanang sakop nito.
Wala ring ipapataw na penalty sa mga hindi makakabayad ng water bill sa itinakdang araw o due date at sinuspinde ang pagdiskonekta ng tubig sa nasasakupan ng Alaminos (Laguna) Water District na ipapatupad mula Marso 19 hanggang Abril 14.
Bukas pa rin aniya ang kanilang tanggapan tuwing Lunes hanggang Biyernes mula 8:00 hanggang 5:00 ng hapon. Ang mga magbabayad at mga hindi makakatanggap ng bill ay maaaring pumunta sa opisina o tumawag sa ALWD tel. bilang (049) 567-1432.
Pinapayuhan ang lahat nang sasadya sa opisina na magsuot ng mask at panatilihin ang 1-meter social distancing sa loob ng tanggapan.
Ang San Pablo City Water District ay nagpabatid rin na maaaring di muna bayaran ang water bill nang mga mayroong due date ng Abril 13, 2020 o mas maaga pa nang walang ipapataw na penalty charge at wala ring puputulan ng koneksiyon.
“Wala rin pong transaksiyon na mangyayari sa main office ng SPCWD sa Maharlika Highway simula Marso 18, 2020 hanggang sa petsang iaanunsyo sa susunod na pabatid,” nakasaad sa kanilang Official Facebook Page.
Nag-anunsyo rin ang Calamba Water District ng temporary suspension sa pagputol ng linya ng tubig sa kanilang nasasakupan.
Lahat nang ito ay paraan ng mga water district upang matulungan na siguruhin na matugunan ang pangangailangan sa suplay ng tubig ng mga mamamayan sa panahon ng krisis dahil sa virus. (Joy Gabrido)
BAY, Laguna - Pansamantalang ipinagpapaliban ng mga water district sa lalawigan ng Laguna ang pagpuputol ng koneksyon ng tubig.
Ang Laguna Water District Aquatech Resources Corporation (LARC), Calamba Water District (CWD), Alaminos (Laguna) Water District (ALWD) at San Pablo City Water District (SPCWD) ang ilan sa mga nag-anunsyo ng pagsuspinde ng paniningil at pagpuputol ng linya ng tubig bilang tulong sa mga mamamayang apektado ng Enhanced Community Quarantine dulot ng banta ng Coronavirus Disease o COVID-19.
“Batid ng LARC ang kahalagahan ng suplay ng tubig para sa kalinisan at pag-iwas sa sakit. Gayundin,ramdam naming ang hirap sa pag-intindi ng ating kalusugan at ng mga bayarin sa panahong ito dulot ng COVID-19 at ng enhance community quarantine,” pahayag ng LARC sa Official Facebook Page nito.
Pansamantala aniyang pinagpapaliban ng LARC ang disconnection ng mga overdue accounts simula Marso 17 hanggang Abril 15, 2020 upang masiguro na ang mga customer nila ay siguradong may magagamit na tubig para mapanatili ang kalusugan at sanitasyon.
Dagdag pa nito, ang mga bayarin sa tubig para sa Marso 2020 ay maaaring bayaran hanggang Abril 15, 2020 na walang pataw na penalty.
Hinihikayat naman ang mga nais magbayad na gawin ito sa pamamagitan ng mobile fund transfer sa GCash o online banking sa LandBank upang makaiwas sa mahabang linya ng mga tao.
Patuloy umano ang normal na operasyon ng LARC upang makapaghatid ng suplay ng tubig sa mga tahanang sakop nito.
Wala ring ipapataw na penalty sa mga hindi makakabayad ng water bill sa itinakdang araw o due date at sinuspinde ang pagdiskonekta ng tubig sa nasasakupan ng Alaminos (Laguna) Water District na ipapatupad mula Marso 19 hanggang Abril 14.
Bukas pa rin aniya ang kanilang tanggapan tuwing Lunes hanggang Biyernes mula 8:00 hanggang 5:00 ng hapon. Ang mga magbabayad at mga hindi makakatanggap ng bill ay maaaring pumunta sa opisina o tumawag sa ALWD tel. bilang (049) 567-1432.
Pinapayuhan ang lahat nang sasadya sa opisina na magsuot ng mask at panatilihin ang 1-meter social distancing sa loob ng tanggapan.
Ang San Pablo City Water District ay nagpabatid rin na maaaring di muna bayaran ang water bill nang mga mayroong due date ng Abril 13, 2020 o mas maaga pa nang walang ipapataw na penalty charge at wala ring puputulan ng koneksiyon.
“Wala rin pong transaksiyon na mangyayari sa main office ng SPCWD sa Maharlika Highway simula Marso 18, 2020 hanggang sa petsang iaanunsyo sa susunod na pabatid,” nakasaad sa kanilang Official Facebook Page.
Nag-anunsyo rin ang Calamba Water District ng temporary suspension sa pagputol ng linya ng tubig sa kanilang nasasakupan.
Lahat nang ito ay paraan ng mga water district upang matulungan na siguruhin na matugunan ang pangangailangan sa suplay ng tubig ng mga mamamayan sa panahon ng krisis dahil sa virus. (Joy Gabrido)
No comments