Calamity aid, ipinagkaloob para sa mga repatriated ofw’s sa lungsod

by PIO Lucena/K.Monfero December 22, 2020 Overseas Filipino Workers o OFW’s (Photo...

by PIO Lucena/K.Monfero
December 22, 2020

Overseas Filipino Workers o OFW’s (Photo from PIO Lucena) 

LUCENA CITY - Magugunitang karamihan sa mga Overseas Filipino Workers o OFW’s ay higit na naapektuhan ang paghahanap-buhay dahil sa pagkakaroon ng Coronavirus 2019 o Covid-19.

Kaya hindi naman naging hadlang kay Coun. Atty. Sunshine Abcede-Llaga na makapag-bigay ng tulong sa mga kababayan nitong OFW.



Kamakailan lang ay nagkaloob ang opisina ni Coun. Abcede ng cash aid para sa mga labing anim (16) kababayan nitong OFWs na naapektuhan ang hanap-buhay dahil sa Coronavirus Disease 2019 o Covid-19.

Ayon sa konsehala, ang naturang cash aid ay nagmula umano sa Center for Migrant Advocacy Philippines, Inc. (CMA).



Kasabay naman ng nasabing pamamahagi, isa-isang kinumusta ni konsehala ang kalalagayan ng 16 na OFWs at ibinahagi rin nito ang mga programa ng kanilang opsina, isa na nga sa mga programang ito ay ag Project E-Konek.

Tinalakay din naman ng hepe ng Public Employment Service Office o PESO ang mga programa ng lokal na pamahalaan at ang assistance na maaaring makuha ng mga repatriated OFWs.



Nagbigay naman ng taos sa pusong pasasalamat ang naturang mga OFWs sa ipinagkaloob na tulong na ito sa kanila.

Anila, malaking tulong na ang ipinagkaloob na cash aid sa kanila lalo na ngayong nasa panahon ng pandemya.

Ang ginawang pagtulong ni Coun. Sunshine Abcede-Llaga ay bilang bahagi pa rin umano ng kanyang tungkulin bilang isang halal na opisyal ng lungsod, at ito ay ang makapag-bigay ng tulong sa kanyang mga kababayan sa abot ng kanyang makakaya.