Mga public schools, pinagkalooban ng bagong sound system

LUNGSOD NG LUCENA, Quezon -- Kasabay ng pamamahagi ng mga libreng gamit pang-eskwela, namigay rin ng mga bagong sound system sa ilang mga...

LUNGSOD NG LUCENA, Quezon -- Kasabay ng pamamahagi ng mga libreng gamit pang-eskwela, namigay rin ng mga bagong sound system sa ilang mga public schools sa lungsod si Mayor Dondon Alcala kamakailan.

Personal na ipinagkaloob ang mga bagong kagamitan na ito ni Mayor Dondon Alcala kasama si City Schools Division Superintendent Dr. Aniano Ogayon at dating executive assistant III Rogelio “Kuya Totoy” Traqueña.

Ilan sa mga napagkalooban nito ay ang Dalahican Elementary School Main Campus, Mayao Crossing Elementary School, Lucena City National High School- Mayao Crossing Extension, Elvira Razon Aranilla Elementary School, at East 8 Elementary School.Sa naging pananalita ni Mayor Alcala sa isinagawang pamamahaging nabanggit, sinabi nito na ang mga kagamitang ito ay malaki ang maitutulong para sa mga gagawing aktibidad ng mga napagkaloobang paaralan.Tanging hiling lamang ng alkalde sa lahat ng mga namumuno ng nabigyan nito na alagaang mabuti ang naturang sound system.

Kinabibilangan ng mga malalaking speakers, wireless microhones at mga cabinets ang naturang mga sound systems na ipinamahagi.Lubos naman ang naging pasasalamat ng mga principal at guro ng mga paaralang binigyan ng kagamitang ito ni Mayor Dondon Alcala.Sa pamamagitan anila ng bagong sound system na ito, mas gaganahan na ang mga mag-aaral na dumalo sa kanilang mga aktibidad na gagawin sa kanilang paaralan.