Flash News
Mail RSS
Quezon Province
Loading...

Livelihood programs, higit na binibigyang pansin ng kapitan ng brgy. 1

Simula nang maupo bilang kapitan ng brgy. 1, Isa sa mga nais na tutukan at bigyang ng kaukulang pansin ni herminia abuel ay ang paglalatag ng mga  livelihood programs na makatutulong sa pag-unlad  ng kanyang mga nasasakupan, ito ang naging pahayag ng kapitana sa naging panayam ng tv 12 kamakailann.

Hindi lang ang pamumuno ang alam ni abuel, maging sa pananahi at pagluluto ay eksperto rin ito. Kaya’t nang mahalal  bilang kapitan ng barangay 1, isa sa mga programang nais nitong  agad na  pasimulan ay ang pagtuturo at pagbabahagi ng kanyang mga kaalaman .

Sa tulong umano ng isa niyang kagawad na dati namang  beutician bago mahalal, simula ngayong buwan ng agosto, nais ni abuel na  ibahagi sa mga ito ang mga personal na kaalaman na tiyak na makapagbibigay sa mga sa mga kababainhan lalo’t higit sa mga nanay sa kanilang barangay ng pangkabuhayan.

Aniya, magmimistulang lucena manpower skills training center o lmstc on barangay ang livelihood program na ito kung saan matuturuan ng libre ang mga residente ng hair science ang cosmetology, baking and pastry at dressmaking.

Sakali umanong maging matagumpay ang nasabing programa, tinitiyak ni abuel na sa mga bagong  skills na matututunan ng mga ito,  imbis na ang mga asawang  lalaki lang ang kumakayod at nagtratrabaho,  magkakaroon na rin ng pagkakataon na kumita ng pera ang mga kababaihan na tiyak na  makatutulong sa pang araw-araw na gastusin ng pamilya.

Sa ganitong paraan,bilang bagong kapitan ng barangay 1,  nakatitiyak si  abuel na sa aspeto ng pangkabuhayan, hindi pahuhuli ang kanyang mga nasasakupan. (Pio lucena/c.Zapanta)