Flash News
Mail RSS
Quezon Province
Loading...

Kompanyang Converge Telecom, nangako ng mas mabilis na internet service sa lungsod

Ginagawa na ng kompanyang converge telecom ang lahat upang agad na matapos  ang pagkakabit ng 10, 000 ports ng fiber optic cables sa lungsod upang makapagbigay na ng  mas mabilis na internet service ang mga lucenahin, ito ang magandang balitang inihayag ng head ng micro trenching department ng kompanyang converge telecomna si tony assidao sa  mga myembro ng sangguniang panlungsod kamakailan.

Magpasahanggang ngayon ay kapansin-pansin ang ginagawang paghuhukay ng converge telecom sa  mga kalsada sa iba’t-ibang bahagi ng lungsod upang magkabit ng  fiber optic cables. Hindi kasi gaya ng ibang telecommunication companies na nagbibigay rin ng internet services, walang tower at fully fixed wires lamang ang kanilang linya.

Lumabas umano sa kanilang naging pag-aaral  na  hindi tumutugma ang serbisyong natatanggap ng mga consumer sa mga advertisement ng mga internet providers na 5 hanggang 10 mega beats per second o mbps.

Dagdag pa nito, naglaan muna sila ng 10,000 ports sa lungsod  na maari pa naman umanong madagdagan depende sa magiging demand nito sa hinaharap. Sa kasalukuyan daw kasi, umaasa sila na 1 sa kada 2 tahanan  sa lungsod ay ay kukuha ng fiber optic sa kanilang kompanya.

Bukod umano sa mas mabilis na internet service, competetive rin kanilang presyo kung ikukumpara sa mga kalabang kompanya. Tiniyak rin nito na maging mga liblib na barangay at lugar sa lucena ay abot ng kanilang serbisyo.

Sa ngayon ay pinagsusumikapan na umano ng kanilang kompanya na matapos hanggang marso sa susunod na taon ang nasabing proyekto upang  makapag bigay na ng serbisyo sa mga lucenahin. (Pio lucena/c.Zapanta)