By Palakat Batangas City April 30, 2020 Kinumpiska ng monitoring team ng Batangas City IMT COVID-19 ang mga quarantine pass (QP) ng mga r...
April 30, 2020
Kinumpiska ng monitoring team ng Batangas City IMT COVID-19 ang mga quarantine pass (QP) ng mga residenteng nahuling may dalawa o higit pang QP para sila ay makalabas ng bahay ng ilang beses sa isang linggo.
Nasa quarantine guidelines na isang QP lamang ang ibibigay sa isang household upang makalabas ng isang beses sa isang linggo para sa kanilang mga pangangailangan.
Ang mga nakumpiska ang QP ay pinauwi na ng bahay at hindi na pinahintulutang makapamili o magawa ang kanilang mga transakyon para sa araw na yun.. Sinabihan din sila na makipag usap sa kanilang barangay officials tungkol sa pagkumpiska sa kanilang QP.
Pinadalhan naman ng memorandum at pinagpapaliwanag ni Department of interior and Local Government (DILG) City Director Esther Dator ang mga punong barangay ukol sa paglabag sa pag-iissue ng QP at iba pang enhanced community quarantine (ECQ) procedures.
Araw araw ang monitoring at checking ng QP na isinasagawa ng team sa mga pampublikong pamilihan, supermarkets, food chains, iba pang business establishments, kalye at mga pribadong sasakyan.
Ang monitoring team ay binubuo ng mga personnel ng Batangas City Police Station, Bureau Of Fire Protection (BFP), Transportation Development and Regulatory Office (TDRO), Defense Security Services (DSS) at City Disaster Risk Reduction Management Office (CDRRMO).
No comments