By Lolitz Estrellado May 2, 2020 (Kaliwa-Kanan) Tagkawayan Municipal Mayor at Kapitan Antonino Salamat TAGKAWAYAN, Quezon - Nagpa...
May 2, 2020
(Kaliwa-Kanan) Tagkawayan Municipal Mayor at Kapitan Antonino Salamat
TAGKAWAYAN, Quezon - Nagpaabot ng kanilang taos-puso at buong pasasalamat ang buong barangay Colong-colong sa kanilang mga masisipag na opisyal dahil sa mabilis na paghahatid sa lahat ng mga residente ng mga kinakailangang ayuda at tulong simula nang ipatupad ang Enhanced Community Quarantine (ECQ) at lockdown sa buong lalawigan dahil sa Corona Virus Disease 19 (COVID-19).
Ayon sa mga taga-barangay Colong-colong, kailanman ay hindi sila pinabayan ni Kapitan Antonino "Ninoy" E. Salamat, kasama ang buong Sangguniang Barangay at sa suporta nina Quezon 4th District Congresswoman Helen Tan at Tagkawayan Municipa Mayor Carlo Eleazar.
Ayon na rin sa ulat ng pamahalaang barangay sa pangunguna ni Kapitan Ninoy, nakaka-5 ikot na sila sa pagkakaloob ng relief goods sa may 222 pamilyang residente ng Colong-colong.
Ang una at pangalawang pamamahagi ng tig-9 kilo ng bigas na may kasamang sardinas, kape, asukal at payless noodles ay sa kagandahang loob ng buong sangguniang barangay.
Ang ika-3 ikot naman ay mula kay Kapitan Ninoy na tig-4 kilong bigas, kape, sardinas, asukal at noodles, habang ang ika-4 na ulit na pamimigay ng tig-8 kilong bigas, noodles, kape, asukal at sardinas ay mula naman kay Congw. Helen Tan.
Sa ika-5 pagkakataon, nitong nakalipas na Biyernes, Mayo 1, muling namahagi ng tig-8 kilong bigas, tig-iisang kilong karne, kape, asukal, noodles, at sardinas na galing naman kay Mayor Carlo Eleazar.
Ayon sa mga residente, hindi sila gaanong nagkaproblema dahil sa mga tulong at ayuda na tinatanggap nia mula sa kanilang mga barangay officials, kay Mayor Eleazar at Congw. Tan na mabubuting lider at lingkod ng bayan magagaling na ay matitino pa, kaya todo at pagtitiwala sa mga ito.
Namigay din ng tulong sila Vice Mayor Danny Liwanag at Konsehal Victoriano 'Vicoy' Salamat sa mga frontliners.
Ayon sa Tagawayan Teleradyo sa Brgy. Aliji nasa 345 na pamilya ang binigyan ng ng 10 kilo ng bigas at Karneng baboy mula sa Relief Food Packs Operation ng Pamahaalang Bayan sa Pangunguna nina Mayor Carlo Eleazar, Vice-Mayor Danny Liwanag at Sangguniang Bayan. Tulong-tulong ang mga Opisyal ng Barangay para ihanda ang nasabing ayuda sa mga Mamamayan sa gitna ng umiiral na Extreme Enhanced Community Quarantine.
Tig-8 kilong bigas, tig-iisang kilong karne, kape, asukal, noodles, at sardinas na galing naman kay Mayor Carlo Eleazar.
Si Konsehal Victoriano 'Vicoy' Salamat habang namimigay ng ayuda sa mga residente ng Brgy. Colong-colong.
No comments